918 पटक हेरिएको २४ कार्तिक, काठमाण्डौ :- नेपाल बैदेशिक रोजगार व्यवसायी संगले अहिलेसम्म गरेका कामहरुको वारेमा व्यवसायीहरुलाई जानकारी गराएको छ । संघले विहीवार एक कार्यक्रमको आयोजना गरी संगमा निर्बाचित भएपछिका महत्वपुर्ण कामहरुको वारेमा जानकारी गराएको हो । कार्यक्रममा संघका अध्यक्ष रोहन गुरुङले विभिन्न वाधा–अवरोधका विच आफुहरुको सय दिनमा महत्वपुर्ण काम गरेको बताउनुभयो ।
उहाँले कसैको उक्साहटमा सरकारले ल्याउन लागेका बैदेशिक रोजगार ऐन संसोधन रोक्नु आफुहरुको सवैभन्दा महत्वपुर्ण उपलव्ध भएको बताउनुभयो । गुरुङले, यदी बैदेशिक रोजगार ऐन संसोधन भएको भए अहिले म्यानपावर कम्पनीको धरौटी रकम १ करोड पुग्थ्यो । र, साना व्यवसायी यसबाट प्रत्यक्ष मारमा पर्थे ।
त्यसैगरी, कामदारको सेवा शुल्क पुनरावोलकन, मलेसिया जाने कामदार माथि थपिएको आर्थिक भार हटाउने विषयमा अहिले सकारात्मक छलफल भईरहेको समेत जानकारी दिनुभयो ।
त्यसैगरी, कार्यक्रममा संघका प्रथम उपाध्यक्ष रामप्रसाद भान्तनाले व्यवसायी संग सल्लाह नगरी सरकारले ल्याउन लागेको बैदेशिक रोजगार ऐन संसोधनमा आफुहरुको असहयोग रहने समेत स्पष्ट पार्नुभयो ।
कार्यक्रममा संघमा महासचिव नरेश गेलालले संघको तिहार अघि शूरु गर्ने भनिएको भवन निर्माण कार्य केही प्राविधिक कारणले रोकिए को जानकारी दिदै, छिट्टै शूरु गरिने समेत बताउनुभयो ।
संघमा निर्वाचित भएपछिको कार्यसमितीले विभिन्न समिती बनाएर काम शुरु गरेको थियो । सबै समीतिले कार्यक्रममा आ–आफ्नो कार्यप्रगति विवरण प्रस्तुत गरेका थिए ।
ब्यबसायी भेला तथा चियापान नाम दिएको कार्यक्रममा करिव १ सय ५० भन्दा वढी व्यवसायीहरु सहभागि थिए ।
