906 पटक हेरिएको एजेन्सी । अमेरिकी राष्ट्रपति डोनाल्ड ट्रम्प र उत्तर कोरियका सर्वोच्च नेता किम जोन बीच यही १२ जुनमा सिँगापुरमा हुँदैछ । सिँगापुर सरकारले सो सम्मेलनको सुरक्षा सिँगापुरको गोर्खाजले दिने तय भएको छ ।
समाचारमा भनिए अनुसार खुकुरी र राइफलसहित नेपाली गोर्खा सैनिकले सो बैठकमा सुरक्षा दिनेछन् । दुवै मुलुकका नेताहरु आफ्नो व्यक्तिगत सुरक्षासहित सो सम्मेलनमा भाग लिन पुग्नेछन् । तर ती बैठकस्थल, सडक र होटलहरुमा भने सिँगापुर प्रहरी र नेपाली गोर्खा सैनिकले सुरक्षा दिनेछन् ।
सिँगापुरका वरिष्ट कूटनीतिज्ञ तथा भीआईपी सुरक्षासँग जानकारले दिएको जानकारी अनुसार सुरक्षाको हिसाबमा निकै महत्वपूर्ण मानिएको यो सम्मेलनका लागि गोर्खाली सेनालाई चयन गरिएको हो ।
नेपाली गोर्खा सैनिकको सिँगापुरमा उपस्थिति भने थोरै रहेको छ । यसअघि भारतीय प्रधानमन्त्री नरेन्द्र मोदी, अमेरिकी सुरक्षा सचिव जिम म्याटिस तथा अन्य मुलुकहरुका मन्त्रीहरुको बैठकको क्रममा पनि केही गोर्खा सैनिकहरुले सुरक्षा दिएका थिए ।
समाचारमा नेपाली सैनिकले गर्ने तालिमको पनि प्रशंसा गरिएको छ । अहिले अत्याधुनिक हतियारहरु आउँदा समेत खुकुरी विना नेपाली सैनिकको तालिम पूरा नहुने समाचारमा बताइएको छ । सिँगापुरका एक सुरक्षाविद्ले सिँगापुरले दिने सुरक्षामध्येमा सबैभन्दा राम्रो सुरक्षा गोर्खा सैनिकले मात्र दिनसक्ने बताए ।
सिँगापुरका प्रहरी प्रवक्ताले भने कति संख्यामा गोर्खा सैनिक उतारिने भन्ने विषयमा कुनै प्रतिक्रिया दिन चाहेनन् । अहिले सिँगापुर प्रहरीमा १ हजार ८ सय गोर्खा सैनिकले काम गरिरहेका छन् । यसको तयारीका लागि अहिले उत्तर कोरिया र अमेरिकाका अधिकारीहरु सिँगापुर पुगिसकेका छन् ।
