855 पटक हेरिएको रौतहट । बिहीबार राती नै एसइई अन्तर्गत आज हुने सामाजिक विषयको प्रश्नपत्र बाहिरिएपछि प्रदेश नम्बर २ को परीक्षा रद्द भएको छ ।
परीक्षा रद्ध भएपछि विद्यार्थीहरु सडकमा उत्रिएका छन् । विद्यार्थीको प्रदर्शन आगजनी र ढुंगामुढाबाट प्रदेश २ को राजधानी जनकपुरसहित विभिन्न सहर तनावग्रस्त बनेको छ ।
परीक्षा रद्द भएको आक्रोशमा वीरगञ्जका विद्यार्थीहरु सडकमा उत्रिएका छन् । उनीहरुले वीरगञ्जमा रहेको प्रहरी बिट, ट्राफिक लाइट तथा डिभाइडरमा आगजनी गरेका हुन्। आक्रोशित विद्यार्थीले तोडफोड तथा आगजनी गरेपछि प्रहरीले ३ सेल अश्रुग्यास प्रहार गरेको छ ।
प्रदर्शनमा उत्रिएका विद्यार्थीले पूर्वपश्चिम राजमार्ग अवरुद्ध गरी नाराबाजी गरिरहेका छन् ।
