391 पटक हेरिएको काठमाडौं । पार्टी एकताका विषयमा छलफल गर्न भन्दै प्रधानमन्त्री केपी शर्मा ओली र नेकपा माओवादी केन्द्रका अध्यक्ष पुष्पकमल दाहालबीचको अाजको छलफल पनि कुनै सहमति हुन सकेन ।
पार्टी एकताका विषयमा एक्ला एक्लै करिब ३ घण्टा छलफल भएपनि उनीहरुबीच एकताको विषयमा ठोस सहमति भने नभएको स्रोतको दाबी छ ।
बैशाख ९ गतेका लागि एकता गर्ने भनिएपनि त्यो दिनको लागि एकता टरिसकेको माओवादी केन्द्रका अध्यक्ष प्रचण्डले बताइसकेका छन् । बिहीबार ३ घण्टा एक्लाएक्लै छलफल गरेका ओली र प्रचण्डले शुक्रबार पनि २ घण्टा छलफल गरेका हुन्।
त्यसअघि बैशाख ३ गते उनीहरुले एक्लाएक्लै छलफल गरेपछि ४ गतेका लागि एकता संयोजन समिति बैठक बाेलाएका थिए । ४ गतेको एकता संयोजन समितिको बैठकपछि पनि दुई नेताले केहीबेर बालुवाटारमा एक्लाएक्लै छलफल गरेका थिए। त्यसयता दुई नेता लगातार एक्ला एक्लै छलफलमा छन्।
